ഈ വർഷം വരാനിരിക്കുന്ന പുതിയ വാട്ട്‌സ് ആപ്പ് ഫീച്ചറുകളെ കുറിച്ചുള്ള റിപ്പോർട്ട് പുറത്ത്. വാട്ട്‌സ് ആപ്പ് കമ്യൂണിറ്റീസ്, അവതാർ, സെൽഫ് ചാറ്റ് ഫീച്ചർ, വ്യൂ വൺസ് ടെക്സ്റ്റ് എന്നിങ്ങനെ നിരവധി നല്ല ഫീച്ചറുകൾ വാട്ട്‌സ് ആപ്പ് ഈ വർഷം അവതരിപ്പിക്കുമെന്ന റിപ്പോർട്ടാണ് പുറത്തു വരുന്നത്.
വാട്സ് ആപ്പ് കമ്യൂണിറ്റികളിൽ നിന്ന് ഉപയോക്താവിന്റെ സുരക്ഷ വർധിപ്പിക്കുന്ന ഫീച്ചറാവും ആദ്യം എത്തുക. കമ്യൂണിറ്റി ഗ്രൂപ്പിൽ ആഡ് ചെയ്യപ്പെട്ടാൽ ഗ്രൂപ്പിലെ ആർക്കെല്ലാം തങ്ങളെ വാട്ട്‌സ് ആപ്പ് കോൾ ചെയ്യാൻ സാധിക്കുമെന്ന് നിയന്ത്രിക്കാനുള്ള അധികാരം ഉപയോക്താവിന് നൽകുന്നതായിരിക്കും ഈ ഫീച്ചർ.
മറ്റൊന്ന് ബുക്ക്മാർക്ക് ഫീച്ചറാണ്. ഡിസപ്പിയറിംഗ് മെസേജുകളിൽ ബുക്ക്മാർക്ക് ഫീച്ചർ ഓൺ ചെയ്താൽ ഇവ ചാറ്റിൽ നിന്ന് പോകില്ല. ഇതിലൂടെ അനാവശ്യ മെസേജുകൾ ഡിസപ്പിയർ ആവുകയും, ബുക്ക്മാർക്ക് ചെയ്തിട്ടവ ചാറ്റിൽ സുരക്ഷിതമായി കിടക്കുകയും ചെയ്യും.
സന്ദേശങ്ങൾ തിയതി വച്ച് സർച്ച് ചെയ്ത് എടുക്കാൻ കഴിയുന്ന ഫീച്ചറാണ് മറ്റൊന്ന്. ഒപ്പം വ്യൂ വൺസ് ഫോട്ടോ പോലെ ടെക്സ്റ്റ് മെസേജും വ്യൂ വൺസ് ആകും.
